Mae sectorau sylfaenol yr economi yn darparu’r nwyddau a’r gwasanaethau sy’n hanfodol ar gyfer bywyd bob dydd, megis cyfleustodau, prosesu bwyd, manwerthu a dosbarthu, iechyd, addysg, llesiant, gofal cymdeithasol a seilwaith. Er ein bod yn dibynnu ar y gwasanaethau a ddarperir ganddynt, mae’n aml yn anodd i’r bobl sy’n gweithio yn y sectorau hyn wella eu hincwm ac ansawdd eu bywyd. Fodd bynnag, mae tystiolaeth glir y gall cynnig cyfleoedd da i gamu ymlaen mewn swydd helpu i fynd i’r afael â thlodi mewn gwaith, gwella cynhyrchiant isel ac annog cyflogeion i gyflawni eu rôl ddinesig drwy fuddsoddi yn eu cymunedau lleol a’r gweithlu. Yn yr aseiniad hwn, rydym yn nodi modelau effeithiol ar gyfer camu ymlaen mewn swydd a sut y gallent fod yn ddefnyddiol pan gânt eu defnyddio mewn sectorau sylfaenol, gan ddechrau gyda’r sector gofal.